اليوم بإذن الله راح أتكلم عن تجربتي مع مكياج "MAC" ~
أول حاجة بتكلم عنها "البلاشر" , خاصة هذا اللون اللي جربته -ماجربت غير هاللون-
لونه مميز , جاي أورنج على مشمشي , رايق جداً جداً , وبدمجه مع الميك أب يعطي لوك جميل جمييييييل ()
الفرشة المرفقة يمكن أتكلم عنها لاحقاً <~ لا تتعشمون مو أكيد يعني
ثاني حاجة بتكلم عنها هي "البودرة"
قوامها ولونها واستخدامها لزييييز جداً .. ممكن تبرز لك عيوب البشرة في حال أنك ما هيأتيها للمكياج بشكل جيد .. وهالشي لاحظته مع الاستخدام :)
بشرتي لما تكون متقشرة ولو بشطل طفييييييف غير ملاحظ ، مع البودرة خصوصاً والمكياج بشكل عام راح تبرز القشور ويعطي شكل مو لطيف !
الحل عندي وعن تجربة ماسك الحلييييييييييب <~ عبارة عن ملعقة ونصف حليب مجفف + ملعقة حليب سائل "تخلطينه وتحطينه ع البشرة لمدة 20 دقيقة أو لحد ما ينشف تماماً ثم تبدئين تفركينه من وجهك وتغسلينه بموية فاترة وتمرين عليه بموية ورد , وادعيلي
ثالث حاجة بتكلم عنها اليوم هي الأساس + أرواج ماك ~
الأساس هذا ممتااااز جداً للبشرة الدهنية , رووووعة صراحة ويعطي منظر صافي وصحي للبشرة ، عن نفسي أستخدم قبله مُهيء بشرة ، وطبعا بعده البودرة بطريقة الطبطبة باستخدام فرشة "مو الاسفنجة المرفقة" , نتيجتهم سوا جميلة وبالنسبة لي مرضية
بالنسبة للأرواج جميلة وملمسها لطيف وما تنشف الشفايف لكن فيها عيب أن لونها مررررة خفيف ,أحسها محتاجة تُستخدم فوق روج ثاني أو محدد شفايف "تمرين به على كل الشفة طبعاً" ثم تستخدمين الأرواج هذي ..
عيب ثاني مو ثابته ,فلازم يكون الروج معك بالشنطة لما تقررين تطلعين من البيت لزيارة أو دوام
يتبع في وقت لاحق إن شاء الله ~
- - - I S L A M G I R L S .
C O M - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - -
- - - - -