كل شي عن *سيشوار السيراميك* ....... بالصور والفيديو .......

[صاحبة السمو]

بسم الله الرحمن الرحيم

كيفكم بنات ان شاء الله بخير

نبداء موضوعنا الى هو عن سيشوار السراميك بأذن الله

والسبب الى دفعني اشترية اني طفشت من السشوار العادي

[/COLOR][/B]

وهواءه الحار الى يحرق الاذن هذا غير الازعاج والصوت القوي والمشط الى

لازم نعيد على الخصله 6 مرات الى ان يزبط

فالسيراميك اسرع وبدون صوت ولا هواء حار وفوق هذا كله النتيجه افضل

طبعا كل الكلام الى راح اكتبة لكم عن تجربة مني شخصياً والى تبغى تنقله الى اي منتدى آخر لها ذاك المهم الفائده

وترى هو موجود من زمان بس كانو يسمونها مكواة الشعر لاكن ما كانو يستخدموها كثير لانها تعدم الشعر عشان كانت مصنوعه من الحديد

بس الانواع الجديده صارت مصنوعه من السيراميك وبكذا يقلل كثير ضررها على الشعر

طبعا سشوار السيراميك للي ما تعرفه في منه انواع كثيرة ولكل واحد درجات حراره معينه على حسب نوع الشعر

والنوع الى استخدمه انا اسمه Dioran صناعه صينية وسعره 100 ريال سعودي

ودرجه حرارتة توصل الى 200 درجه

وتقريبا لما احطه على درجه 150 حرارته تناسبني انا شعري مو ناعم ولا خشن لاكن (كيرلي )

وراح اشتري عن قريب ان شاء الله سيراميك براون لانه احسن وجديد كمان وبالايونات على قولتهم

وعلى ما اظن سعره 180 ريال

[/URL][/COLOR][/B]

وفي كمان سيراميك Babyless

مره روعه ويمدحوها البنات في المنتديات بس ما جرتها

وهاذي صورتها

[/COLOR][/B]

وفي انواع يجي معاها عده رؤوس لتجعيد وللفير وغيرها بس الأفضل انكم تشترون الى يجي معها راح واحد بس

لانها تخدم اكثر وكمان عشان لاسمح الله يطيح عليكم الرأس ويكون حار



يتبع .....[/CENTER][/CENTER]

[صاحبة السمو]

اما عن طريقة الاستخدام



اول شي لازم يكون شعرك جاف ما فيه نقطه مويه عكس الاستشوار العادي الى لازم يكون شعرك مبلول ولا راح ينفش معاك



ولا تستخدمين اي نوع كريم قبل السيراميك ابداً لانه راح يزيت عليك ويطلع ريحه ودخان



بس الى شعرها جاف جدا ممكن تستخدم شوية من كريم بالمرز بزبده الكاكو





او بالمرز المغذي للشعر

بس تحط منه بعد ما تخلص من سشوار كل الشعر ويفضل تحطين على أطراف الشعر فقط عشان على حركت الشعر ( يعنى لما يجي هواء علية تطير كل شعره لوحدها ما يطير كله مع بعض كأنه قطعه وحده هههههههههه)



وترى هذي كريمات ثقيله نوعا ما يعنى نقطتين منها تكفي




او ممكن تستخدمين ماسك للشعر بعد الشامبو عشان يرطب شعرك وان شاء الله راح اكتب لكم عن الماسك الى استخدمه لشعري ومره يجنن وريحته حلو مع موضوع المنتجات الى ما استغني عنها .


وكمان افضل لك تبدأين السشوار من شعرك الخلفي الى الامام وليس العكس



وكمان الخصل الى تاخذينها لاتكون كبيرة ولا صغير وسط يعني وكل ما صغرتي الخصله كانت النتيجه افضل J



اسهل طريقه انك تقسمي راسك اربع اقسام



من الامام الى الخلف وبعدين من الاذن الى الاذن

والربع الواحد خذي منه خصله خصله وسشوريها



والخصله لا تكررين المرور بالسشوار عليها كثير يعنى مرتين يكفي هذا طبعا اذا كنتى حاطته على حرارة عالية مثلا 200


ولا تنسين تمشطين الخصله قبل ما تسشورينها

[صاحبة السمو]

والى تبغى اطراف شعرها تطلع ملفوفه لما توصل لاطراف الشعر تبرم السيراميك للداخل



او للخارج على حسب ما تحب

والى بتروح مناسبه وتبغى شعرها يطلع كثير



ممكن كل ما تخلص من خصله تلفها على طول بمكر الشعر وتخليها 3 ساعات وبعدين ترش عليها مثبت الشعر وتفكها


وتمشطها باصابع يدها مش بالمشط عشان تحافظ على اللف



ويكون احسن لو تفك المكر لما توصل المكان الى رايحه له لان الطرحه راح تخفف كثير من اللف


يعنى اول ما توصلين اهربي على الحمام على طوووووووووووول

والي تبغى شعرها يبان كثير بالسيراميك لما تبداء تسشور الخصله تطلع على فوق مش تسشور على تحت يعنى ترفع يدها فوق زي الصورة ...

معليش الصورة مش واضحه كثير لاني قاصتها من فيديو ...

[صاحبة السمو]

وكمان في ناس ما تحب تستخدم السيراميك او ما تعرف له كثير فتقوم تسشور شعرها بالسشوار العادي بعدين تعيد عليه بالسيراميك بس تاخذ خصل اكبر وتمر عليها بسرعه يعنى كل وحده تشوف ايش يناسبها ويريحها

مميزات السيراميك

الشعر المستشور بالسيراميك ما يتأثر بالرطوبه والحر كثير يعنى عكس السشوار العادي الي اول ما يشم ريحه الرطوبه والحر يخرب ويطير

وكمان يعطي الشعر لمعه روعه

عكس السيشوار العادي الى يكون بعده الشعر باهت

وكمان يعطي الشعر شكل اطول لانه يفرد الشعر بشكل اكبر و يبان اطول

وفوق هذا كله الى يشوفك يحسبك رايحه عن الكوافير

وكمان لما تخلصين لفيه كعكه فوق عشان تطلع اطراف الشعر ملفوفه

والى شعرها خشن يفضل انها تمشط بالمشط ووراه على طول السيراميك عشان ما يطلع متشابك

(يعني زي الملابس لما نكويها بدون ما نفردها على طاولة الكوي بشكل جيد ماراح يكون الكوي ممتاز) صح ولا لا ؟؟

وفي طريقه تصلحين بيها فير لشعرك وبالسيراميك كمان !!!! بس صعب اشرح لكم الطريقه فقمت دورت وجبت لكم فيديو الى عاوزه تشوفه تقولي وانا ارسله لها على الخاص

هذا كل الى عندي عن السيراميك وان شاء الله ما اكون نسيت شي

فما كان من خطأ فهو مني وما كان من نسيانفهو من الشيطان وما كان من صواب فمن الله

والى تعرف اي شي كمان تفيدنا

ان شاء الله يكون الموضوع عجبكم وافادكم

تحياتي لكم >>> كأني في برنامج مو؟

[فتاة الإسلام]

^_^

ماشاء الله تبارك الله ~

إبداع يا صاحبة السمو = ) صراحه ما كنت أعرف ذا السراميك
وكويس قلتي الأسعار .. أنا كان على بالي غالي يتعدى 1000 ريال

^_^ سعره طيب ~

كمان شرحك حلو .. ربي يسعدك

وهواءه الحار الى يحرق الاذن هذا غير الازعاج والصوت القوي والمشط الى لازم نعيد على الخصله 6 مرات الى ان يزبط

لا الحمد لله ما قد عانيت ..
ولا سته ولا سبعه مرات .. ما تعرفي كيف أستشور شعري
من بعيد ..وعلى أوطى درجه .. بس تنشيف من الماء
خوافه .. أخاف أرفعه الحراره + بس أبغى أنشف المويه


^_^ بس صراحه السراميك عجبني
يصلح للمناسبات .. ولما يجي ببالي أغير New style

الشعر المستشور بالسيراميك ما يتأثر بالرطوبه والحر كثير يعنى عكس السشوار العادي الي اول ما يشم ريحه الرطوبه والحر يخرب ويطير

هذه عجبتني ^_^ ~
يروح الإستشوار كله مع الرطوبه .. يعني تعب المكر واللف راح كله




جزاك الله خيراً يا صاحبة السمو
ومن إبداع إلى إبداع

^_^

ولما نشتري إن شاء الله
راح نتبع نصائحك إن شاء الله

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

{ اللهمْ أعنا على ذكركْ وشكرك وحسن عبادك ~

.
.
.

{خَوله}

أثابك الرحمن جزيل الخير على عطائك ..
وجعل الفردوس نجاة لك وهناء ..


= )

[صاحبة السمو]

المشاركة الأساسية كتبها فتاة الإسلام ^_^ ماشاء الله تبارك الله ~ إبداع يا صاحبة السمو = ) صراحه ما كنت أعرف ذا السراميك وكويس قلتي الأسعار .. أنا كان على بالي غالي يتعدى 1000 ريال ^_^ سعره طيب ~

الله يسعدك ان شاء الله بس خسارة المحرر المتقدم خرب ترتيب الموضوع طلعت كل المشاكل منه نصيحه يبنات الى تبغى تكتب موضوع طويل وفيه صور تستخدم المحرر البسيط والردود العادية بالمتقدم عادي

المشاركة الأساسية كتبها فتاة الإسلام ^_^ بس صراحه السراميك عجبني يصلح للمناسبات .. ولما يجي ببالي أغير new style

هذا المطلوب التغيير

المشاركة الأساسية كتبها فتاة الإسلام جزاك الله خيراً يا صاحبة السمو ومن إبداع إلى إبداع ^_^ ولما نشتري إن شاء الله راح نتبع نصائحك إن شاء الله

وجزاك

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[][da3eyat.2][]

ما شاء الله

كنت اعرف السيراميك .. بس توني أعرف المعلومات هاي كلها

يعطيج العافية .. جهد واضح *_^

[Soft Rose]

هذا عندي زيه
بس الصراحه ما عمري استخدمته
اختي استخدمته وتقول كويس
واستخدامه سهل ومريح وما يسوي
ازعاج زي السشوار العادي

يعطيكِ العافيه ع الشرح
الكامل والمتكامل
تسلمي

[صاحبة السمو]

المشاركة الأساسية كتبها ][da3eyat.2][ ما شاء الله كنت اعرف السيراميك .. بس توني أعرف المعلومات هاي كلها يعطيج العافية .. جهد واضح *_^

الله يعافيك

أسعدني مرورك

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[صاحبة السمو]

المشاركة الأساسية كتبها soft rose هذا عندي زيه بس الصراحه ما عمري استخدمته اختي استخدمته وتقول كويس واستخدامه سهل ومريح وما يسوي ازعاج زي السشوار العادي يعطيكِ العافيه ع الشرح الكامل والمتكامل تسلمي

الله يسلمك

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -