يوميات فتاة جزائرية .. {باللهجة الجزائرية}

[خمائل]

شكراً لك يا قمر
بانتظار الترجمة

[فـتاة الدعوة]

أهلاً خمَائلْ .. نورتِي ..

سطّرِي على الكلمـاتْ اللِي مافهمتيهَا وبرتجمها لكْ ^^ ..

[موجة بحر]

مشكوريييين
ننتظر الترجمه ......

[بروق]

قصه قويه
كملي باش نستمتعوا بالقصه امتاعتك

[§غزة§]

المشاركة الأساسية كتبها خمائل الزهر راااااائعة جداً فكرتك !! أشعر أن فيها تقريباً بيننا في المشرق وبين أخوتنا في المغرب.. أعجبتني اليوميات أيضاً،،، أشجعك وبشدة على المتابعة؛ وأشجع على كتابتها باللهجة الجزائرية مع إيضاح المعاني بالفصحى،،، والأجمل اشتراككما معاً أنتِ وغزة كما كان في الحلقة الأولى.. متابعة لكِ يا رائعة

انتظرت فتاة الدعوة لتترجم لكنها لم تفعل بعد لذا سأكمل ما بدأت به تلبية لرغبتك

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[§غزة§]

المشاركة الأساسية كتبها فتاة الدعوة الحلقة الثانية .. السلام عليكم غدا الدخول الجامعي مازلت كيما الذراري الصغار نبغي النهار اللول تع القرايا حددت و وجدت كسوتي لي رح نلبسها غدوة. الليلة جداتي راهي بايتة عندنا يسمى ماكالاه n'rigule reveil باش نوض بكري هي أكيد رح تتكفل بالأمر جداتي كانت مقلقة وقتاش نروح نقرى في الجامعة اكثر مني غير دقت 6.30 لقيتها عند راسي واختكم بالسيف باش رقدت ليل كامل وانا نخمم كيفاش رح تكون القراية كيفاش رح يكونو لي بروف ولوكان ماشي ريحة القهوة والمغيز اللي شميتهم يطيبو ماشكيتش نوض من بلاصتي . المهم نضت توضيت وصليت واتهجت فورا للكوزينة لقيت ماما متكفلة بالحالة من بعد ماشربت قهوتي رحت لبست وستيكيت روحي كيما يلزم راني جامعية ضروك لازم نتهلى في العميرة وبيناتنا لايمت شوية دراهم من الناس لي زعما بوركولي بيهم على الباك و شريتهم كامل لبسة وحاشاكم سبابط وخيرت باش ندخل أول يوم بلبسة كامل بيضة قلت انا تكون فال خير عليا جدة غير شافتني قالتلي والله تقول طبيبة زعما باش تطلعلي المورال ولا مانعرف (هي اصلا لازم تعلق) بصح كي خرجت من الدار شفت بلي بزاف ناس يبغو يعلقو لي يقول إنا لله وإنا اليه راجعون ولي يقول تقول fraijidair ولي يقول machine a lavi وعند الدخلة تع الجامعة لقيتلك زوج من فلسطين الشقيقة عرفتهم من لهجتهم ونظن حتى ناس الشرق الأوسط يبغو التعليق قالك ( تقول ملاك ونازل من السما) اووووف فرق كبير بين فريجيدار وملاك دخلت département تاعنا وتماك لقيت بزاف بنات كنت نعرفهم في الليسي الغاشي كامل دارو بيولوجي امالة ماعندي مانخاف قلك إذا عمت خفت ولي فرحت بزاف كي تلاقيتها هي صحبتي وبنت جيرانا فتيحة لقيتها تم تقول عليها عندها عشر سنين وهي تقرا في الجامعة زعما توري للغاشي وين جاي l'amphi لي نقراو فيه وكامل وحتى هي وماسكلتش من تعليقها غير شافتني بدات تقولي حمامتي بيضة !!!!. بدات الساعة اللولة دخلنا للمدرج وحكمنا انا وفتيحة البلاصة اللولة مازلنا حاكمين السيستام تع الليسي قلت انا هاكة باش الشيوخا يولو يعرفوني ويعقلو عليا مين يشوفوني دايما قاعدة في وجوههم وغير دخل الشيخ سكتو كامل التلاميذ اه قصدي الطلاب وبدا هذاك الprof يقدم في روحو وفي الموديل تاعو واحكم انت لي تحكم مافهمت من هدرتو غير je m'appel ساسي de عنابة والباقي قلت كي نخرج نسقسي فتيحة بالاك تكون قبضت خير مني المهم من بعد ماحكا كاااااااامل واش حكا قالنا ايا السلام عليكم الدروس يبداو نهار الثلاثاء إن شاء الله هذي bien sur فهمتها خاطر قالها بالعربية كان هذا هو الشيخ الوحيد لي جا اليوم استنينا شوية وكي ما جا حتى واحد لينا خرجنا انا وفتيحة وبدينا نكتشفو في الأجواء ماكنت عارفة حتى حاجة تم لي نشوفها تخلعني مرة على مرة نلقاو وحدة كنا نعرفوها من الليسي فوتنا نهارنا تم وكلي ماكنتش باغية نرجع للدار من كثر لي عجبتني الحالة كي رجعت للدار لقيت جدة واما يستناو فيا باش نحكيلهم واش درت وانا بلا ماتوصو حكيت على كلش وبالتفصيل بالطبع ماعدا التعليقات لي سمعتها في الطريق هكة فات اليوم اللول ومزال الباقي استناوه في الأيام القليلة الجاية إن شاء الله ايا السلام عليكم وصلى اللهم وسلم على سيدنا محمد

الحلقة الثانية:
غدا الدخول الجامعي ولا زلت كالأطفال أحب اليوم الأول من الدراسة كويت و جهزت ملابسي التي سأذهب بها غدا إلى الجامعة.
هذه الليلة ستبيت عندنا جدتي لهذا لا داعي لأن أضبط المنبه لأستيقظ باكرا فهي ستتكفل بالأمر..كانت جدتي متشوقة متى سأذهب إلى الجامعة أكثر مني فما أن دقت الساعة ال6:30 وجدتها أمامي و طبعا أنا لم أنم الليل وأنا أفكر كيف ستكون الدراسة وكيف سيكون الأساتذة ولولا رائحة القهوة لما استيقظت ذلك اليوم.
المهم، قمت وتوضأت وصليت و اتجهت فورا إلى"الكوزينة"(المطبخ) فوجدت أمي متكفلة بكل شيء، وبعدما تناولت إفطاري دهبت لأبس ثيابي و جهزت نفسي كما ينبغي الأمر فأنا ذاهبة إلى الجامعة لذا يجب أن أعتني بنفسي ومظهري جيدا...بيني وبينكم لقد جمعت القليل من النقود من الناس الذين باركوا لي نجحي في الباكالوريا و اشتريت بالمبلغ كله لبسة(ملابس) و صبابط(أحذية)واخترت لأول يوم في الجامعة ملابس بيضاء علها تكون فأل خير لي..ما إن رأتني جدتي بالملابس البيضاء إلا وقال لي "وكأنك طبيبة"ربما
قالت ذلك لترفع معنوياتي وربما لأنها تريد أن تعلق على كل شيء
لكن لما خرجت من المنزل لاحظت أن الجميع يحبون التعليق على الآخرين
فمنهم من قال لي"إنا لله وإنا إليه راجعون" ومنهم من يقول"فريجيدار"(ثلاجة يعني) ومنهم من يقول"ماشينالافي(آلة غسل الملابس)
ولما وصلت إلى باب الجامعة رأيت شابين من فلسطين
عرفتهم من خلال لهجتهم
وعلى ما يبدو حتى ناس الشرق الأوسط يحبون التعليق على الآخرين فقالوا(ملاك نازل من السما) أووووووووووووووف الفرق شاسع بين وصف فريجيدار(ثلاجة) وبين وصف ملاك.
دخلت للقسم الخاص بنا(أي قسم البيولوجيا) وهناك التقيت بفتيات كنت أعرفهم من أيام الثانوية، هناك زحمة ناس والظاهر أن كل الطلبة توجهوا لتخصص البيولوجيا(علم الأحياء) لهذا لا داعي لأن أخاف يقال"إذا عمت خفت" (إذا عمت المصيبة هانت) والأمر الذي أفرحني كثيرا هو أني التقيت بصديقتي وبنت جيراننا "فتيحة" وجدتها هناك وكأنها تدرس في الجامعة منذ عشر سنوات!!! كانت توجه الطلاب إلى مكان l'amphi(المدرج) الذي سندرس فيه، وحتى هي لم أخلص من تعليقاتها فقالت لي(حمامتي البيضاء!!!)

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[§غزة§]

بدأت الساعة الأولى ودخلنا إلى المدرج و احتليت أنا وفتيحة المكان الأول ،لانزال متشبثين بنظام الثانوية وقلت في نفسي انا هاكة(هكذا) أجلس في الأماكن الأولى في المدرج حتى يعرفني الأساتذة فيما بعد و يتذكرون أني كنت دائما في الأول...وما إن دخل الأستاذ سكت التلاميذ اه قصدي الطلاب وبدأ ال prof (الأستاذ) يقدم نفسه وفي الموديل الذي سيدرسنا إياه(الموديلmodule يعني المقياس الذي سندرسه عند هذا الأستاذ) واحكم انت ما تحكم ..لم افهم من كلامه غير je m'appel (أُدعى) ساسي(اسم الأستاذ "ساسي" de (من)عنابة و الكلام الباقي قلتفي نفسي لما أخرج نسقسي(أسأل) فتيحة بالاك(ربما) تكون فهمت شيئا مما قاله.. المهم من بعد ماقال كل ما قاله قال لنا " السلام عليكم الدروس ستبدأ نهار(يوم) الثلاثاء إن شاء الله هذه bien sur (طبعا) فهمتها خاطر لأنه قالها بالعربية


كان هذا هو الأستاذ الوحيدالذي جاء اليوم انتظرنا شوية(قليلا) و كي(لم) لم يأت أحد خرجت انا وفتيحة وبدأنا نكتشف الأجواء لم أكن أعرف شيئا...هناك أي شيء أراه أُذهل به و بين الفينة والأخرى نلتقي بنت كنا نعرفها من الليسي(الثانوية) قضينا اليوم كله هناك وكأني لم أكن أريد أن أرجع إلى المنزل من كثر ما أعجبني المكان
لما رجعت للدار(للمنزل) وجدت الجدة وامَا (أمي) يستناو فيا (ينتظرونني) باش(حتى) أحكي لهم واش(ماذا) درت (فعلت) وانا بدون ما توصوني حكيت على كلش (كل شيء) وبالتفصيل بالطبع ماعدا التعليقات لي سمعتها في الطريق

هكة(هكذا) فات (انقضى) اليوم اللول (الأول) ومازال (لا يزال) الباقي استناوه(انتظروه) في الأيام القليلة الجاية(القادمة) إن شاء الله
السلام عليكم وصلى اللهم وسلم على سيدنا محمد

[§غزة§]

المشاركة الأساسية كتبها فتاة الدعوة السلام عليكم ورحمة الله بعد ما فوتنا الأسبوع اللول و القرايا نص نص مزال مابديناش مليح les prof راهم غير يترينيو وانا عجبتني هكة الحالة نروح نجمع ونقرعج ونرجع خاصة بعد ما زدت تعرفت على زوج بنات لطيفة وفاطيمة كنت نعرفهم من يامات الليسي بصح ماكناش مداسرين بعضانا مليح حتى للجامعة لطيفة تظل تضحك وحاجة ماتسكتها وفاطيمة قافزة بزاااااف وفتيحة كيما قلتلكم تلعبها تعرف كلش غير باش يقولو عليها فاهمة بصح كامل بنات ملاح ويدخلو في القلب. جاء الأسبوع الثاني والقرايا بدات تتزير الشيوخا مدولنا le programme وبزاف لي بداو يقرونا بصح انا مازلت ضايعة مع الفرنسي نقعد coure كامل وانا نهز في راسي تقول عليا فاهمة كلش وانا لوكان يقلي برك عاوديلي شاقلت يحبس قلبي. اليوم خرجنا على 12 وحكمنا الجوع وقالك ياسيدي راكم مسجلين في المطعم الجامعي الريسطو تقدرو تاكلوا باااااطل عجبتني العفسة هذي تع باطل قلت للبنات ايا نروحو نشوفو كيفاش الحالة وكي لحقنا لتم قالك لازم تشرو تيكي بسعر رمزي باش تقدرو تفطرو اشرينا التيكيات مدام السعر رمزي ماخسرنا والو وفي الدخلة تع risto لقينا لاشان طويييييييلة قعدنا ساعتين واقفين ومن بعد لي كنت جيعانة شبعت وفي الأخير كي وصلنا لقيناهم دايرين حاجة تشبه للوبيا وشوية ورق تع سلاطة بلا la sos ولي سوفاتني وماخلاتنيش نبكي هي التمر لي حطولنا منو وقواولنا انا رفدت التمر وخرجت خاطر كانت الواحدة والكوغ يبدا على الواحدة رحنا نجرو ولقيناهم دخلو والشيخة هذيك حنونة بزاااااف طلينا عليها غير من الباب ضحكت وهزت راسها كلي قالتلنا ادخلو احنا فرحنا ودخلنا نجرو بصح غير دخلنا وشافونا كامل les étudiants قالتلنا برا شكون قالكم ادخلو جيتو روطار وانا غير ندخل مانقبل حتى واحد يدخل مورايا. خرجنا وقعدنا في بلاصة شابة فيها الحشيش والظل وحطينا التمر لي جبناه معانا وكلينا كلي ماصرا والوووو. خلاص هذا اليوم بصح حكايتي مع الريسطو ماخلاصتش رحنا في اليوم الثاني على 11 وكنا شاريين التيكيات وسمعنا بلي راهم دايرين الجاج محمر يسمى حاكمة قلنا رحمة ربي احنا البارح ماكلينا والو اليوم نخلفوها كي وصلنا لقينا جماهير عريضة تقولي حفلة رح يحييها تامر حسني تسللت شوية للوسط قلت هكة باش مانكونش الأخيرة بصح اكتشفت بلي لصقت وسط زوج بنات من نيجيريا وحدة قدامي والثانية مورايا وكل وحدة دايرة كي الحيط انقطع فيا التنفس بغيت نرجع ونخرج مالقيتش كيفاش واخواتنا ناس نيجيريا مزال ماتعلموش هدرتنا قلتلهم مانيش قادرة نتنفس مافهمونيش قلت احسن حل نطلع راسي باش نتنفس مليح بديت نحوس على فاطيمة لقيتها رايحة من جيهة المعوقين وداية plat تع الجاج قلتلكم ساجية اما لطيفة كي لقاتها حامضة عليها سلت روحها وراحت مادارتش اصلا لاشان وفتيحة برك لي بقات معايا مسكينة تبغيني. بعد ما ازرقت واخضرت واحمرت وصلت اخيرا للتاقة لي يمدولنا منها الأكسجين اه قصدي الماكلة بصح اختكم كانت خالصة ومخلصة قلت الهربة تسلك حطيت plat وخرجت بين الموت والحياة لحقتني فتيحة على شعرة كنت رح نطيح ورجعتني للدار وانا طريق كاملة وانا نحلف بلي هذا آخر يوم نروح لحاجة اسمها الريسطو. اللهم صلي وسلم على سيدنا محمد

الترجمة ستأتي لاحقا ان شاء الله

 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[§غزة§]

السلام عليكم ورحمة الله

بعد ما فوتنا(قضينا) الأسبوع اللول(الأول) و القرايا(الدراسة) نص نص مازال (لم نزل بعد) مابديناش (لم نبدأ) مليح (جيدا)،(لم نبدأ الدراسة الفعلية بعد) les prof (الأساتذة) راهم غير(هم فقط) يترينيو (يتدربون)و انا عجبتني هكة(هكذا/هذا) الحالة (الوضع) نروح نجمع ونقرعج (أذهب وأجلس وأدردش) ونرجع خاصة بعد ما زدت تعرفت(تعرفت اكثر) على زوج (اثنين2) بنات لطيفة وفاطيمة كنت نعرفهم (أعرفهم) من يامات (من أيام) الليسي(الثانوية) بصح (لكن) ماكناش مداسرين بعضانا مليح ( كما تقولون أنتم*ما كنا عاطيين وش لبعض من قبل)حتى للجامعة... لطيفة تظل تضحك و حاجة(شيء) ما تسكتها وفاطيمة قافزة (شاطرة)بزاااااف(كثيرا) وفتيحة كيما(كما) قلتلكم(قلت لكم) تلعبها تعرف كلش (كلش=كل شيء..تلعبها تعرف كلش كما تقولون أنتم حركااات اي تريد أن تظهر أمام النس وكأنها تعرف كل شيء)غير باش(فقط لكي) يقولو عليها فاهمة(يقولوا عنها عبقرية) بصح(لكن) كامل بنات ملاح ويدخلو في القلب(كلهن بنات جيدين و يدخلن إلى القلب.

جاء الأسبوع الثاني والقرايا(الدراسة) بدات(بدأت) تتزير(تشتد) الشيوخا(الأساتذة) مدولنا(أعطو لنا) le programme (البرنامج) وبزاف(و كثير) لي بداو(بدؤوا) يقرون(يدرسوننا) بصح (لكن) انا مازلت ضايعة مع الفرنسي نقعد(أظل) coure كامل (طول الدرس) وانا نهز(أهز) في راسي(رأسي) تقول عليا فاهمة كلش (وكأنني فهمت كل ما يقال)وانا لوكان يقلي(يقول لي) برك(فقط) عاوديلي(أعيدي لي) شاقلت(ماذا قلت) يحبس قلبي.{لو يقول لي الأستاذ أعيدي ماذا قلت قلبي سيتوقف}

اليوم خرجنا على 12 وحكمنا(مسكنا) الجوع وقالك ياسيدي(قيل لنا) راكم(أنتم) مسجلين في المطعم الجامعي الريسطو(اختصار لكلمة مطعم بالفرنسي) تقدرو(تستطيعون) تاكلوا باااااطل(مجانا) عجبتني(أعجبتني) العفسة(الفكرة) هذي(هذه) تع(لم أعرف كيف أترجمهالكم) باطل(مجانا) قلت للبنات ايا(هيا) نروحو(نذهب) نشوفو(نرى) كيفاش الحالة(كيف الوضع) وكي لحقنا لتم (ولما وصلنا هناك)قالك(قيل لنا) لازم تشرو(تشتروا) تيكي(تذكرة) بسعر رمزي باش تقدرو (لكي تستطيعوا) تفطرو(تتناولون الفطور..الغداء=الفطور) اشرينا التيكيات مادام السعر رمزي ماخسرنا والو(حتى شيء) وفي الدخلة(عند باب الدخول) تع (الخاص بـ)risto(المطعم) لقينا(وجدنا) لاشان(كما تقولون أنتم الطابور) طويييييييلة قعدنا ساعتين واقفين ومن بعد لي(ما) كنت جيعانة(جائعة) شبعت وفي الأخير كي(لما) وصلنا لقيناهم(وجدناهم) دايرين (عاملين-طابخين)حاجة (شيء)تشبه للوبيا(لوبياء) وشوية(والقليل من ) ورق تع سلاطة(خس) بلا(بدون) la sos (تتبيلة السلطة) ولي(والذي ) سوفاتني وماخلاتنيش نبكي ( والأمر الذي لم يجعلني أبكي)هي التمر لي حطولنا(الذي قدموا لنا) منو(منه) وقواولنا انا رفدت التمر (حملت التمر) وخرجت خاطر(لأنها) كانت الواحدة والكوغ(الدرس) يبدا على الواحدة رحنا نجرو (ذهبنا نجري) ولقيناهم دخلو(ووجدناهم قد دخلوا إلى المدرج) والشيخة هذيك ( الأستاذة تلك)حنونة بزاااااف طلينا عليها غير من الباب (فقط من الباب)ضحكت وهزت راسها كلي(وكأنها) قالت لنا ادخلو احنا فرحنا ودخلنا نجرو(نجري) بصح غير دخلنا(اكن ما إن دخلنا) وشافونا كامل les étudiants(ورأونا كل الطلبة) قالت لنا برا شكون(من) قالكم ادخلو(قال لكم ادخلوا) جيتو روطار(جئتم متأخرين) وانا غير ندخل مانقبل حتى واحد يدخل مورايا.

(وأنا لما أدخل لا أقبل من أحد أن يدخل بعدي)

خرجنا وقعدنا في بلاصة(مكان) شابة(جميلة) فيها الحشيش والظل وحطينا (وضعنا)التمر لي(الذي) جبناه معانا وكلينا كلي ماصرا والوووو.

(أحضرناه معنا و أكلنا وكأن شيئا لم يحدث)

خلاص (انتهى) هذا اليوم بصح (لكن)حكايتي مع الريسطو(المطعم) ماخلاصتش(لم تنتهي) رحنا (ذهبنا)في اليوم الثاني على 11 وكنا شاريين(قد اشترينا ) التيكيات(التذاكر) وسمعنا بلي راهم دايرين(أنهم عاملين/طابخين) الجاج (الدجاج)محمر يسمى(معناها) حاكمة(شيء مميز) قلنا رحمة ربي احنا البارح(أمس) ماكلينا(لم نأكل) والو(شيئا) اليوم نخلفوها(نعوض ما فاتنا الأمس) كي (لما)وصلنا لقينا(وجدنا) جماهير عريضة تقولي (وكأن)حفلة رح يحييها تامر حسني تسللت شوية(قليلا) للوسط قلت هكة(هكذا) باش مانكونش (حتى لا أكون)الأخيرة بصح (لكن)اكتشفت بلي(أني) لصقت (التصقت)وسط زوج(اثنين2) بنات من نيجيريا وحدة قدامي(أمامي) والثانية مورايا(خلفي) وكل وحدة دايرة(تشبه) كي(كما) الحيط(الحائط) انقطع فيا التنفس بغيت(أردت) نرجع (أن أرجع)ونخرج( وأخرج)مالقيتش كيفاش (لم أجد كيف أفعل ذلك)واخواتنا ناس نيجيريا مزال ماتعلموش (لم يتعلموا بعد)هدرتنا(كلامنا) قلتلهم مانيش قادرة نتنفس (قلت لهم لا أستطيع التنفس)مافهمونيش (فلم يفهموني)قلت احسن حل نطلع راسي باش('حتى) نتنفس مليح(جيدا) بديت(بدأت) نحوس (أبحث)على فاطيمة لقيتها(وجدتها) رايحة (ذاهبة)من جيهة(ناحية) المعوقين و داية plat تع الجاج (و قد أخذت صينية الطعام الخاصة بها التي بها الدجاج)قلتلكم ساجية(قلت لكم أنها شاطرة) اما لطيفة كي(لما) لقاتها حامضة (وجدت الأمر صعبا)عليها سلت (سحبت نفسها وخرجت)روحها وراحت مادارتش اصلا لاشان (ولم تدخل أصلا في الطابور)وفتيحة برك (فقط)لي بقات معايا مسكينة تبغيني.(التي بقيت معي..المسكينة تحبني)

بعد ما ازرقت واخضرت واحمرت وصلت اخيرا للتاقة(النافذة) لي يمدولنا (التي يقدموا لنا منها )منها الأكسجين اه قصدي الماكلة(الأكل) بصح(لكن) اختكم كانت خالصة ومخلصة(يعني تعبانة جدا) قلت(في نفسي) الهربة تسلك (الهروب ينقذني)حطيت plat (وضعت الصينية )وخرجت بين الموت والحياة لحقتني فتيحة على شعرة(يعني كدت أن ..) كنت رح نطيح(أقع) ورجعتني للدار(للمنزل) وانا طريق كاملة(طول الطريق) وانا نحلف بلي(بأن) هذا آخر يوم نروح(أذهب فيه) لحاجة(لشيء) اسمها الريسطو(المطعم).

[زهرة]

يومياتك مثيرة للغاية ...وبانتظار تكمليها لنا

بارك الله فيك اختي
ربي يحفظك

اختك من الجزائر