وعليكم السلام ورحمة الله وبركاته ..
هلا فيك اختي الغآلية احاسيس .. بصرآحة اهنيك على شعور المسؤولية اللي بداخلك سواء اتجاه نفسك او طفلتك .. و خير الخطائين التوابون وكلنا اصحاب ذنب قال النبي صلى الله عليه و سلم "لو لم تذنبوا لذهب الله بكم و جاء بقوم يذنبون فيستغفرون فيغفر لهم" شوفي رحمة ربي فينا سبحان الله العظيم هالمقدمة فقط عشان ترتاحين من تأنيب الضمير وطبعاً لا تتساهلين ..
مشكلتك مشكلة اغلب البنآت وهي الخجل والتردد من الكلام وخاصة امام الغرباء وخاصة لو كنت صغيرة بالعمر أو تو بدأت تختلطين بعالم الحريم الكبار و هذا ليس رهاب اجتماعي الا ان كان يصاحبه بعض الأنماط السلوكية في شكل ارتجافات خفيفة أو نقص في التركيز ، او ضيق النفس وهذا ليس فقط امام النساء حتى لما تكوني بالأماكن العامة برأيي احس شي طبيعي لما تجلسين مع احد غريب وماتسولفين كثير او حتى ماتسولفين وخاصة مثل ماقلت لك لما يكون مجتمعات اول مرة تجلسين فيها لأن هذا يعتمد على الشخصية يعني فيه ناس بسرعه تندمج مع غيرها وفيه ناس تتردد ولكن حاولي انك تدرجين نفسك في الحل يعني حاولي انك تسولفي مع اللي بجنبك ولا تحطين عينك بعينها ان كان هالشي راح يأثر عليك وقبل ماتبدأي السالفة قولي انا اجتماعية وقوية ومافيه فرق بيني وبينها وايش ناقصني وراح اسولف واسألي اي سؤال وبعدها راح تجي السوالف لا تقولين هالكلام نظري وصعب تطبيقة اضغطي على نفسك وساعديها وصدقيني راح يفيدك ..
انا اختي لما كانت بمرحلة المراهقة وصارت تجلس مع الكبار سواء البنات او الحريم كانت تستحي واذا قالت سالفة وسكتوا يسمعونها كانت ترتبك ويصير وجهها احمر وماعاد تقدر تكمل وانا لاحظت عليها هالشي وصرت اكمل لها السالفة اذا حسيتها بدأت ترتبك واتفقت معها على هالشي الى ان تخطت هالمرحلة الحمدلله ولكن الشي السيء هو مايحصل امامك من الخطأ ولا تستطيعين ان تتخذي موقف حيال مايقال وهذا مشكلة لا زم تكون لك شخصيتك في الردود ولو قلتِ استحي بأقولك على الأقل كوني محايدة ومو بالضرورة انك تناقشين اسكتي انصافاً لنفسك وحتى ماتأنبين ضميرك لما ترجعين للبيت وهنا تصير عندك مشكلة ثانية يبي لها علاج واما بالنسبة لأهلك هنا يبغى لك تسكتين واختاري لك نمط حياة يعني اللي تحسينها من خواتك تميل للغيبة لا تسولفين معها في الناس كثير حوّلي كل السوالف عن حياتكم او اذا بدأت تتكلم عن احد قولي لها يااختي فكينا من هالسواليف والله مانستفيد غير الذنوب يمكن بتضحك عليك بالبداية وتقول وش الطاري
ولكن لما تشوفك عند موقفك انت بتساعدينها تترك هالعادة وفيه ناس ماتسكت تكمل اسمعيها وبيني انك متضايقة ولا تعلقين على السالفة ومع الأيام راح تحس انك ماتميلين لهالشي وانت انسانة فيك خير وموقفك لما تمدحي اللي اغتبتيهم استمري عليه ولا تستحقرينه ويمكن يكون لك شافع عند ربي وهذا هو المهم اما ان الناس اقتنعوا في كلامك او لا هذا مو مهم وبالإضافة لهذا تريحين ضميرك وبرضة اذا جيتي تتصدقين اتصدقي للي اغتبتيهم او اشركيهم في صدقتك والله ان الندم هو اول الطريق للخير والله يصلح لك الباطن والظاهر وهاللي كتبته انصح فيه نفسي قبلك وانا اجاهد نفسي مثل ماانتِ تجاهدين نفسك ونسأل الله ان يصلح الأحوال والنوايا ,,امين
منذ /10-27-2010, 12:46 AM
الاحساس الزائد بالخجل مشكلة تؤرقني
النمط المتتابع
