,,,,,,,,,,,,,, أســـــــــــــــــــــــرار ,,,,,,,,,,,,,,,,,,,,,

[صاحبة السمو]

السلام عليكم
كيف الحلوين ؟
لقيت لكم نصائح رائعه كتبته عضوه في عالم حواء اسمها فتاة المستحيل وحبيت تستفيدو منها

.
.
.
.

اليوم بحط لكم بعض من اسراري وبعضها يجون ناس حتى لو مايعرفوني يسالوني واتمنى انها تفيدك صح انتم بتقولون ايه عاديه وماعندها سالفه بس وربي انها هذي هي والكثير يهملها

المهم قبل مااقولكم عن الاشياء الي استخدمها في اشياء داخليه
اول شي وهذاالي معطني مظهر وعمر اصغر من عمري الابتسامه والقناعه بنفسك
ثاني شي اثقه بربك ثم بنفسك وشكلك وجمالك والله يابنات مااقولكم كامله الكمال لله بس والله انه من زود ثقتي بنفسي وشكلي مااحد يقدر ياثر علي بالعكس صارو يشوفني مثل ماانا اشوف نفسي يعني انااقول انا ملكة جمال خخخخخخخخخخخخ بس من جد اقولها والله ان الناس تقولها لي ومحد يقدر يقول سوي نفخ ولا ماادري شو بالعكس قناعتي وثقتي بنفسي عكست هالشي على الناس واكبر دليل انه لمااقول عيب بس اني مو طويله صارو يقولها والحين صرت اقول احسن اني مو طويله يزيدني جاذبيه والله صارو يقول اي صح يعني انتم خلو قناعتكم بذاتكم وثقتكم تنبع من الداخل عشان تبين عليكم

ثالث شي الراحه النفسيه والرضا
انا لمااكون مهمومه او حزينه او مضايقه على طول يوضح على بشرتي وتبان فيها بهتان وتعب رغم اني اكل واشرب بس لان نفسيتي ن الداخل غير مستقره مو حاسه بالراحه فنعكست على بشرتي وهذا كثير لحظتها علي واحيانا بشرتي احسها سمرت لمااكون متضايقه بس ترجع نفسيتي مثل قبل احس بشرتي رجعت وردت وفيها نضاره

رابع شي ليس كل مانسمع به نجربه
انا واعوذ بالله من كلمة انا اعرف بشرتي واعرف ايش انا محتاجه لبشرتي ومستحيل اسمع اي شي واجربه او اني ارهق بشرتي بكثرة المسكات والخلطات والحوسه مثل تجي فتره لبشرتي تكون جافه اعرف انها محتاجه لترطيب ومسكات تغذيه وترطبها واعرف مكونات الماسك الي يرطب واسويه وهكذا

خامس شي وهو اهم شي

انك تهتمي بنفسك لنفسك مو عشان احد ولاعشان اطلع من فلانه ولا عشان زوجي ولاعشان ماادري شو وترى البنت الي متعوده من هي بنت تهتم عشان نفسه ولذاتها صدقوني راح تستمر بهذاالاهتمام حتى بعد زواجها اما الي عشان فلانه ولاعشان زوجي فلانه بهتم فتره لين نشوف بعض بالمناسبه وترجع حلميه لعادتهاالقديمه والي لزوجها تقعد وبعدين تتفشط اناه مالقت نتيجه وهكذا تقعد تدور بين الخلطات وكل شوي طفشانه وتشتكي زوجي وزجي
او بنات قبل زواجهم بشهر يحوسو نفسهم ويدورن على ايش شي عشان قرب زواجهم طيب وينك السنوات الي راحت توكم تصحون عارفه هذي النقطه بتزعل بعضكم وبتزعلو مني لكن صدقوني انهااهم نقطه ابحثو انتم ليش تركضو وراء الجمال البياض ..............الخ صح كلنا نبي الزين ولكن عشان الناس ولا لنفسنا وصدقوني اي وحده تهتم بنفسها لذاتها هي ماراح تحصلو فيها عيوب او تتعب يوم عرسها

كمان فيه شي وهو انك تتاكدي حتى لو شكلك مو حلو فيك ميزه حلوه ربي خالقه فيك حتى لو مالحظتيها غيرك بيلاحظها

وتأكدو تمام ان الجمال جمال الروح هو الي عكس جمالك لغيرك وعلى الخارج لان جمال الوجه مصيره يزول اما بتقدم العمر او حادث او اي شي طبعا بسم الله عليكم وراح بعدين في ردودي اوضح لكم هالنقطه.

يتبع .............