{ كـيـكـة الـنـسـكـافـيـه . .*

[Noir]

\

{ بسم الله الرحمن الرحيم }

.
.
* مـــــدخــــل . . }

بالقـدر هذا كـم طبخـنا عصــافير ،
ويصــبر علــى نـارً تولـّع حديـده ،
ولا أشتكى من حرّها بأي تفسير ،
يخـدم وهـو ساكـت لو هي تبـيده ،

"السلام عليكم و رحمة الله و بركاته"

:

بما اني توني صارلي كم يوم مشتركة ،
حبيت ثاني موضوع يكون لي هنا
"فالمطبخ الجميل"

:

عاد انا مب ذاك الزود طباخه ، حدي اسوي
"حلويات" و واجد علي بعد

:

اليوم جبت لكم كيكة النسكافيه ،
ما تحتاج وقت طويل واجد ،

:

[ المقادير :

4 بيضات
2 كوب دقيق
1/4 1 كوب سكر مطحون/عادي
كوب حليب بودره
1/2 كوب زيت
2 ملعقة صغيرة بيكنج بودر
ملعقة صغيرة نسكافيه



:

[ التحضير :

أول شي نجيب كل الاشياء و نحطها
حسب المقادير

حليب بودره بمقدار "كوب"



السكر ، سواء كان سكر عادي
او مطحون ، بمقدار "كوب وربع"



و نصف كوب زيت



و اخيراً ، ملعقه صغيرة نسكافيه



:

ناخذ كل اللي ذكرناه و نحطة فالخلاط
مع الاربع بيضات ،



و نخليه لمدة خمس دقايق تقريباً



:

في هالخمس دقايق ، نروح و ناخذ الصينيه
اللي نبيها ، و ندهنها بالزيت كذا



:

بعد خمس دقايق بيكون الخليط جهز
ناخذ ملعقتين صغار بيكنج بودره



و نحطه عالدقيق
عقب ناخذ الخليط و نصبه فوقه



:

و نتم نخلطه لين ما نحس انه
اختلط كله



:

عقب نجيب الصينيه اللي دهناها بالزيت
ونصبه عليها و نحطها فالفرن ،
بعد ما تستوي كذا بتنتفخ شوي نفس ذا



:

وكل ربع ساعه نشوفها اذا ستوت او لا ،
يوم يخلص الكيك و يجهز نحط عليه
اللي نبيه ، فأنا احب النوتيلا واجد
و دهنت الكيك من فوق



:

اتمنى ان تجربونها جميله جداً
و تحياتي لكم ، وان شاءالله فهمتو عالشرح
^
اول مره تنزل موضوع طبخ
ههههههه
.
.
/