قصة عن الاعجاب صارت معي..

[شمسة الاسلام]

بسم الله الرحمن الرحيم
في يوم من الايام كان حفل علينا وانا طبعا متكشخة وفاكة شعري لاول مرة في المدرسة يعني بس فاكة شعري بحدود يعني لازود كاني رايحة عرس اقول اكمل احسن المهم كنت واقفين نسولف انا وصديقاتي رزان الاء نور ضحى اثير ما ادري ليش ما قعدنا يعني ما كان لنا نفس لا نقعد ولا نتمشى بعدين انا احس انه فيه بنت تمر بجنبي كذا مارة زجاية اقول وش تبي ذي البنت المهم ما اهتميت لها ما عطيت لها وجه وعلى فكرة البنت مشهورة بالمدرسة بقلة ادبها وقليلة ادبالمهم راحت الاء ونور يعني بقينا ثلاثة جت هذي البنت سحب كذا انا اتكلم مع صديقاتي اسولف معهم وسحبتني وشوي واطيح المهم قالت تعالي شوي ايه قلت عادي يصير كذا دايما معي البنات يقولو كذا عشان تركية ويبغون مني كلمات تركية يعني متعودة على هذا الشئ واهي كنت عندها شلتها الوسخة راحو شلتها وانا مسكت من يدي وكانها ولد قاعدة تعدد وصفي يعني شكلي وقالت لو قبل كذا طبعا اهي سحبتني ودتني اخر المدرسة خير في اي عالم طبعا انا خايفة من تسوي لي شئ يعني اهي وشلتها المهم بعد ما راحو صديقاتها قالت لي انت قد اعجبت قلت لا حمد الله ما عندي هذا الداء والمرض قالت طيب لو معجبة فيكجت وقالت اني معجبة فيك وش كنت بتقولين قلت لاو الله انا ما احب هذا الشئ لو صداقة عادية خلاص بس تعجب فيني مثل ما يعجب الشاب بالبنت عشان جمالها يوم يتزوجها ولا في الاحلام طبعا حسيت ان الي قدامي ولد مو بنت عشانها تتكلم عن العشق وكذا اصلا انا ودي اضحك قدمها بس المسكينه ما ابغى احطمها وبعدين لو قلت لها شئ اهي وشلتها يهاجمون على يعني اشكالهم خطيييرة مرة مشقرات نامصات وقصات عليهم اشكال الله يهديهم وهذا الشلة اصغر مني بسنة يعن في اولى متوسط ونامصات مشقرا وصبغ على شعورهم يعني مغيرين خلق الله بصفة عامه يعني المهم جت وحدة منهم قالت المددددرسة والله ما فيه زيك حلوة تشبهين مهند ومدري وشو الي في الفيلم التركي سنوات الضياع على ما اظن انا طبعا شفت هذا الشخص في مسلسل في تركيا وحمد الله الرجال مب حلو زي اللي يقولونه يعني اهو اشقر وعيونه زرق بس عادي بالنسبة لي يعني وقاعدة تقول ليش المدرسة منورة اليوم ليششششش على فكرة تراها خبلة وهذي بعددد مشهورة في المدرسة بقلة ادبها والبنات معجبين فيها المهم قالو شلتها عطيني تلفون جوالك قلت طيب انا عندي جوال بس يعني ما اقدر اعطيها ان خبلة فتذكرت برقم هندي وانا كيف ادري رقم ذا العندي عشان ذاك اليوم كنت قاعده اكلم صديقتي وقالت عطيني الرقم وانا عطيتها رقم بالغلط وطبعا صديقتي دقت عليه تقول ذا الرجال يوم دقيت عليه قاعد يسمع اغاني هندية وبعد كلامه هندي قلت صدق واان بعد دقيت عليه اذا كان صح اتاكد والله كان يسمع اغاني وما يستحي يقفلها طبعا اهو يقول الووو انا ما ارد عشان ما يروح صوتي المهم فمن ذاك اليوم وانا اعطي للي كل ما اعرفه رقم الهندي عشان افتك من المزعجين الهم عطيتها الرقم طبعا اهي قالت انا معجبة فيييك ومجنونة طبعا حسيت انها مسكينة يعني ما ادري كيف بس شكلها يحزن يوم قلت لا ما احب هذي الاشياء قلت الصدقة والاخوة قالت ايه ايه هذا اي اقصده قلت لا ما اظن وبعدين رحت عند صديقاتي واخيرا وانا خايفة طبعا يعني لان البنت تخوف بصراحة المهم قلت لهم السالفة وقعدو يضحكون على وانا مالى نفس للضحكيعني المهم ومرت بجنبي وقالت قبل ما تطلعين ابشيل شنطتك قلت غبية ذي يعني :seko:الهنود الي يشيلون حقائب السفر يوم تنزلين من الطائرة ما يشيلوها الا بفلوس افففففففففففففف يديني تعبت من الكتابة والله ودي اكملها بس توجع خليني اكمل لا احرمكم من القصة وفي اليوم الثاني طبعا تفسحت مع صديقتي نجد اهي كانت غايبة في هذا اليوم وقلت لها السالفة وقعدت تفقس من الضحك تقول احسن الي يتكشخ كذا يصير له كذا وانا اقول وش الي سويته والله اني ذاك اليوم ما حاطة الا الملمع وفاكة شعري لا كحل ولاشئ ثاني وما كنت مستشورة شعري فاظية والله اما البنات اعوذ بالله اشكال المهم اكلنا وخلصنا من الفسحة شفتها في الدرج قاعدة تستناني في الزحمة اهي وشلتها طبعا سلمت علي واان ما قلت شئ بس قلت ما ابغى يعني اتكلم معها البنت الحمد مسلمة بس عاصية وش اسوي يعنيبعد يومين على ما اظن كنت اتمشى مع وحدة من صديقاتي في الفصل ونحنا ماشيين شفت شلتها وقلو تعالو تمشو معنا انا قلت لالا ابغى اقعد مع صديقتي كذا احسن اهم فهمو اني ما ابغاهم ولا عاد كلموني ولا شئ الحمد الله تخلصت منها بس المشكلة ان عندها اخت اكبر منها بسنتين يعني في ثالث متوسط تقول صديقتي نجد اعز صديقاتي طبعا اهي في ثالث وهذيك البنت في ثالث نفس الفصل تقول انت يوم طلعت الاذاعة هم كانو في الطابور وراي قالت البنت للنت المعجبة فيني قالت شوفي شوفي هذي حبيبتك طالعة في الاذاعةطبعا انا صوتي حلو في القران عذب يعني تقول نجد وانت تقرين تقول البنت المعجبة والله يجنن صوتها بس لو تصير في الاغاني احللى انا طبعا قعدت اضحك قلت والله اختين مجنونيتين غبيبتين ملتصقين فيني زي العلك بس هذي البنت بصراحة احس انها طيبة يعني حبيبتها من قلبي مو اعجاب بس ودي اصير صديقتها وانصحها يعني بس اهي بصراحة على ما اظن قليلة ادب يعني مشهورة في المدرسة بقلة ادبها عاد بعدين قلت لا هذي البنت ما تصلح يعني وش قاعدة تقول لو صوتها في الاغاني يطلع احلى بس ش كلها ما ينبان انها قليلة ادب يعني احس اناه بنت خجووولة اقول خليني اخلص من الكتابة والله يديني تعبت مررررررررررررررررة واتمنى اذا عندكم قصص في الاعجاب تقولوهاعشان نضحك اوكي ياللهم مع السلامة باااااي

[سوكر زيـــآده ..~]

غاليتي //

هذا مرض اعووذ بالله ان نكووون منهم ..

انصحك تبعدين عن هذي البنت حتى لاتفسد عليك دينك وعقيدتك ..

الله يثبتك على طريق الحق والصواااب ..

[الهمة العالية]

والله خليتي افطس من الضحك
من جد مساكين المعجبات مسويين مراقبة للي يحبونها
عاد اقولك على قصة صارت لاختي اذكر يوم كنا في المتوسطة كانت اختي عندها صديقة بعدين رسبت هذي البنت وعادت سنة وصارت لها صديقات من الفصل عندها عاد دايما اذا شافتنا تسلم علينا وكنا انا واختي دائما نجي الصباح بدري يعني لزوم الدفارة وكانت هذيك البنت اللي صديقة صديقة اختي دائما تمر من عندنا وتقول السلام عاد اختي دائما تظحك وتبتسم في وجها تحسين وانتي تطالعين فيها انها حدها خجولة ويالله تتكلم عاد يجي ذاك اليوم يوم كنا اوقات الاختبارات عاد عنا انا واختي وشلتها وشلتي مجتمعات سوى وكنا كثير يعني واشوف البنت كل شوي تمر من عندنا وتطالع في اختي عاد انا شاكه فيها بس قلت يمكن تتمشي في ذا الممر الا وبعد مادق الجرس عشان نروح البيت مابقى الا انا واختي وصديقتها عاد هي جات وقالت لاختي تعالي شوي ابيك عاد اختي ماتحب هذي الحركات موليه بعدين قلت لاختي تركيها علي وانا اتصرف معها عاد مسكينة البنت بغت تبكي والله واحشرها في الزاوية عند الجدار واقولها شتبين في اختي ليش تلاحقينها عاد قالتلي خذي هذي الرسالة واعطيها لها قلت لها ليش مسوية تستغبى ومااعرف شي بعدين قالت عطيها وبتعرفين قلتلها خلاص وروحي يلا عاد البنت حطت رجولها شردت من عندي ماادري لهذي الدرجة اخوف عاد مر هذا اليوم وبعد كم يوم الا انا واختي جالسين سوى الصباح ومافي احد نعرفه جا المدرسة واتجي ذيك البنت وتقول من فيكم خلود يعني اختي بعدين قالت لها تعالي ابيك بسالفة عاد اختي راحت لها وقالت لها البنت وقفي هنا تحت الدرج وراحت تنادي البنت اللي معجبة باختي واتجي تقول لها انا احبك وامدري شنو من هذي السوالف
ومن بعد ذاك اليوم وانا رأفت بحال البنت اختي كله تحقرها وتطنشها والنبت مسكينة تكسر الخاطر والظاهر علمت صديقاتها عاد الحين تخرجت اختي من المدرسة وهي هناك بس الى الان واختي متواصلة معها كصداقة فقط احس البنت تعقدت من الاعجاب بين كل فترة وفترة البنت تدق عليها ...
بس وهذي هي القصة احس اني قرقرت كثير

ننتظركم يالغوالي
يعطيك العافية يالغالية وان شاء الله البنات يعرفون ان هذا النوع من الاعجاب والحب لايدوم
بل الصداقةوالحب في الله هي الدائمة على مر العصور

[jojo]

موضوع وايدحلو صراحة مشكورين

[رنين]

شكرا سا شمسه الاسلام

[ترآتيل المطر]

شوفي ياشمسة الاسلام
نصيحة مني لا تعطينها وجه
هذا الاعجاب مرض الله يكفينا ويحمي بنات الاسلام
وجميل منك إنك ماحبيتي هالشيء ..
انت إذا سوت لك شيءمرة ثانيةأو غيرها لا تحاولين تعطي اي وحدة رقم ولا حتى تعطيها رقم غير ..قولي لها بصراحة أنا مثل هذه العلاقات ماتلزمني ولا ابيها واتمنى انك تنشغلين عني بشيء ثاني له فايدة ..
وشكرا لك ياشموسة ..

[مسك الجنان]

الي سويته صح مادري وش نسوي اذا تكشخنا صار اعجاب واذا ماتكشخنا قالوا شوفوا كيف شكلها

[الغلا]

الله يعافيهم ولا يبلانا..

مرض يقع فيه أغلب البنات..

حفظنا الله واياكم من كل مكروووهـ~