,,,,,,,,,,,,,, أســـــــــــــــــــــــرار ,,,,,,,,,,,,,,,,,,,,,

[صاحبة السمو]

السلام عليكم
كيف الحلوين ؟
لقيت لكم نصائح رائعه كتبته عضوه في عالم حواء اسمها فتاة المستحيل وحبيت تستفيدو منها

.
.
.
.

اليوم بحط لكم بعض من اسراري وبعضها يجون ناس حتى لو مايعرفوني يسالوني واتمنى انها تفيدك صح انتم بتقولون ايه عاديه وماعندها سالفه بس وربي انها هذي هي والكثير يهملها

المهم قبل مااقولكم عن الاشياء الي استخدمها في اشياء داخليه
اول شي وهذاالي معطني مظهر وعمر اصغر من عمري الابتسامه والقناعه بنفسك
ثاني شي اثقه بربك ثم بنفسك وشكلك وجمالك والله يابنات مااقولكم كامله الكمال لله بس والله انه من زود ثقتي بنفسي وشكلي مااحد يقدر ياثر علي بالعكس صارو يشوفني مثل ماانا اشوف نفسي يعني انااقول انا ملكة جمال خخخخخخخخخخخخ بس من جد اقولها والله ان الناس تقولها لي ومحد يقدر يقول سوي نفخ ولا ماادري شو بالعكس قناعتي وثقتي بنفسي عكست هالشي على الناس واكبر دليل انه لمااقول عيب بس اني مو طويله صارو يقولها والحين صرت اقول احسن اني مو طويله يزيدني جاذبيه والله صارو يقول اي صح يعني انتم خلو قناعتكم بذاتكم وثقتكم تنبع من الداخل عشان تبين عليكم

ثالث شي الراحه النفسيه والرضا
انا لمااكون مهمومه او حزينه او مضايقه على طول يوضح على بشرتي وتبان فيها بهتان وتعب رغم اني اكل واشرب بس لان نفسيتي ن الداخل غير مستقره مو حاسه بالراحه فنعكست على بشرتي وهذا كثير لحظتها علي واحيانا بشرتي احسها سمرت لمااكون متضايقه بس ترجع نفسيتي مثل قبل احس بشرتي رجعت وردت وفيها نضاره

رابع شي ليس كل مانسمع به نجربه
انا واعوذ بالله من كلمة انا اعرف بشرتي واعرف ايش انا محتاجه لبشرتي ومستحيل اسمع اي شي واجربه او اني ارهق بشرتي بكثرة المسكات والخلطات والحوسه مثل تجي فتره لبشرتي تكون جافه اعرف انها محتاجه لترطيب ومسكات تغذيه وترطبها واعرف مكونات الماسك الي يرطب واسويه وهكذا

خامس شي وهو اهم شي

انك تهتمي بنفسك لنفسك مو عشان احد ولاعشان اطلع من فلانه ولا عشان زوجي ولاعشان ماادري شو وترى البنت الي متعوده من هي بنت تهتم عشان نفسه ولذاتها صدقوني راح تستمر بهذاالاهتمام حتى بعد زواجها اما الي عشان فلانه ولاعشان زوجي فلانه بهتم فتره لين نشوف بعض بالمناسبه وترجع حلميه لعادتهاالقديمه والي لزوجها تقعد وبعدين تتفشط اناه مالقت نتيجه وهكذا تقعد تدور بين الخلطات وكل شوي طفشانه وتشتكي زوجي وزجي
او بنات قبل زواجهم بشهر يحوسو نفسهم ويدورن على ايش شي عشان قرب زواجهم طيب وينك السنوات الي راحت توكم تصحون عارفه هذي النقطه بتزعل بعضكم وبتزعلو مني لكن صدقوني انهااهم نقطه ابحثو انتم ليش تركضو وراء الجمال البياض ..............الخ صح كلنا نبي الزين ولكن عشان الناس ولا لنفسنا وصدقوني اي وحده تهتم بنفسها لذاتها هي ماراح تحصلو فيها عيوب او تتعب يوم عرسها

كمان فيه شي وهو انك تتاكدي حتى لو شكلك مو حلو فيك ميزه حلوه ربي خالقه فيك حتى لو مالحظتيها غيرك بيلاحظها

وتأكدو تمام ان الجمال جمال الروح هو الي عكس جمالك لغيرك وعلى الخارج لان جمال الوجه مصيره يزول اما بتقدم العمر او حادث او اي شي طبعا بسم الله عليكم وراح بعدين في ردودي اوضح لكم هالنقطه.

يتبع .............

[صاحبة السمو]

الحين بقولكم على الاشياء الي اسويها
شوفو هذاالشي ماكنت منتبه له غير من كثرة الاسئله الي صرت اوجهها في الاماكن العامه يعني اكثر من مره واخرها قبل شهر اني كنت قاعده بانتظر الحريم في المستشفى وقاعده ماسكه المسبحه واستغفر واختي تقولي الحرمه الي قدامك قاعده تطالع عليك واكلتك بعيونه رحت وقلت لاختي بكفيها خليها تناظر انا واثقه بعمري ومافيني شي شوي ويااذن الظهر وقمت اصلي واختي راحت للعياده حقتها المهم وخلصت صلاه ورجعت قعدت على الكرسي الا وشوي حرمه تخلص من الصلاه وتقعد جنبي وان ماانتبهت انها هي الي تنظرني من اول وتقولي لو سمحتي قلت لها امري قالت بسالك سؤال بس احلفك بالله تقولين الصدق قلت ايوه امري قالت انتي ارجولك شايلتها لليزر(ماشاءالله)
وانا مااستوعبت وقلت وش وعادة سؤالها وضحكت وقلت لها لا والله انها حلاوه قالت احلفي وحلفت قالت وش ننوع حلاوتك وعاد نسيت اسمها وحاولت اتذكرها وماقدرت وحسيت ان الحرمه بدات تشكك بمصداقيتي ورحت وصفت لها شكل الحلاوه وبعدين تذكرت اسمها شهرزاد
وشوي تجيني حرمه طبعاانا مااعرف اقعد غير رجل فوق رجل وتقولي يابنيتي غطي رجولك وعاد اناادور من وين باينه لانها متغطيه وقلت مغطيتها قالت لا قالت ترى ارجولك افتنتنا والله انها قالتها عاد انا هنا استغربت قلت يعني اني عاديه ولاالبس قصير وشلون يدققون بالرجولي وقلت لابوي وطبعا ابوي كثير يخاف علي قالي البسي شراب ولا لاعاد تحطين ارجولك فوق بعض الناس عيونها ماترحم

المهم اقولكم على سري
اول سر من اسراري
انا اشيل ارجولي بحلاوه وبعدهااحط ماء ورد بالنشاء الين ماتنشف وبعدين اغسلهم وادهنهم بزيت زيتون وربي ماشاءالله ولاحول ولاقوة الابالله انه مافيني مسمات ولاشي ونعومه وبيضاء والحمدالله وطبعا هالطريقه متبعتها كمان لليديني
عكس اختي ويوم شافتني اسوي الحركه هذي قالت لاشي واقولها وتقولي يالنذله تشوفين فيني مسمات وكانها رجول رجال وماتقوليلي

وطريقه النشاء بعد الحلاوه هي انك تجيبي معلقه اومعلقتين نشاء حسب مايكفيك وشوي ماي ورد يعني مو كثير مره بس تخلصي شيل حلاوه وحطي على طول من الماي ورد والنشاء وخليه لماتنشف او ربع ساعه وغسليها وشوفي كيف النعومه وادعيلي بعدها

اجي اقولكم السر الثاني لبشرتي وماشاءالله دايم اي مكان والله سوء ناس اعرفهم او اول مره اقابلهم بحياتي يسالوني وش اسوي لبشرتي ودايم يقولولي بشرتك بيبي ماشاءالله

والسر اول شي انا ماارهق بشرتي بكثرة الخلطات استخدم لها الثلج ماء ورد والماسك اما نشاء وماء ورد واحطهم على النار او طحينه وكركم وانا كتبتها هنا
واحيانا احط طين على وجهي عشان يسكر المسمات ويسحب الدهون وعلى فكره مااستخدم صابون لوجهي ونادر اذااستخدمت لوجهي صابون

غير كذا والله لااله الا هو اني ماعمري ماشاءالله سويت تنظيف بالبخار لان بشرتي ماتحتاج ماشاءالله وقبل رحت لمشغل وقلت ابي اسوي تنظيف لبشرتي وقلت لي الكوفيره ماشاءالله مايحتاج بشرتك نظيفه وحرام اسوي لك وهو مايحتاج وهي سالتني قبل متى سويتي تنظيف لانه نظيف شفتو كيف ماشاءالله

والسر انه مااحب المكياج نهائيا وحتى بالزواجات اكتفي بااحمر شفايف وكحل وظل ومسكارا واحيانا مااحط ظل غير خفيف جدا وارجع على طول اغسله وامسحها بزيت اللوز وانام

طبعاانااعرف وش احتياجات بشرتي وعلى اساسهااسوي لهاالماسك الي يناسبها واعرف وش ممكن يهيج بشرتي وابتعدعنه
السر الثالث
وطبعا هناك شي مااستغني عنه وهو منقوع المره عندي بالعلبه اي وقت لاحظته فيها بدايت حبوب بسبب قرب الله يكرمكم الدوره على طول اخذ قطنه ابللها بمنقوع المره وامررها على بشرتي وخلاص انام والصباح اغسلها

السر الرابع
للمنطقه الحساسه الحمدالله ماعندي روائح والتهابات وانا تراني بنوتهبس استخدام لها منقوع مره وملح خشن والحمدالله مرتاحه عليه كثير

واما للجسم دايم ارطبهم واسوي مره بالاسبوع حمام مغربي

واما يديني مستحيل اقطع بصل او شي فيه ريحه الا وانا لابسه قلفز وغير كذاا اي وقت يدي تلامس الماي انشفها واحط كريمي الي نزلت عنه موضوع من كريم خيالي

هذي بعض الاشياء الي تحضرني بس اتذكر اي شي ثاني بقولكم عليه

وعلى فكره انا عمري 23 والله مافي وحده قد عطتني عمري وهو
اكثر عمر عطوني اياه كان 15 سنه ما شاء الله

يتبع ....

[صاحبة السمو]

طبعا الفواكه سر من اسراري كمان انا لما اكل من الفواكه مثل الفراوله او خوخ او بطيخ اوخيار برتقال قشورالمانجو لما اخلص اخلي قطعه صغيره واقعد امررها على بشرتي ورقبتي واقعد اكمل اكل ولما اخلص اروح واغسل بشرتي اكون غذتي بشرتي بمواد مفيده وطازجه وكمان انا اكل ومااحس بشي طبعا بعض الاحيان يجيني كسل فااحسن هالحركه حلوه للعجازات خخخخخخخخخخخخخخخخخ طبعا اختي دايم تضحك علي بس مايهمني لانها ماتعرف الفوائد فمااشره عليها

ايوه تذكرت شي بعد انا ايام الاختبارت مااعرف اروح واختبر الا وانا مواصله وكنت اشرب كميات كبيره وبالهبل كافي عشان يساعدني على عدم النوم وهذا الشي كان يااثر تاثير كبير على بشرتي ويخليها باهته وكاني مريضه فنصيحه لاتكثرومنه

وتذكرت شي مهم يابنات انتبهو تستخدمو زيت الزيتون وتتعرضو لهواء ساخن اوبخار لانه يسمر

اول شي انا يوميا اتروش بالشتاء مرتين او مره وحده اما بالصيف ثلاث مرات
المهم طبعا الي تقول الشعر يتاثر انا قول بالعكس هذا انا ماتاثر ماشاءالله ولا شي ودايما اول حمام اوتروشيه تكون قبل صلاتي للفجر يعني يكون حمامي الصباحي اتروش عادي وبالاخير اسكر الماي الحار بالتدريج عشان يتدرج معي المايلين يصير بارد واقعد شوي تحت الماي البارد واطلع وهالطريقه تعطيك نشاط

طريقتي الي تخلي ريحت الجسم والعرق حلوه

وبعض الاحيان اجيب ماي صحه واحط فيه ماي ورد وخل واحطها بالثلاجه ولمااخلص شور اجيبها وافرغها على جسمي والله ان جسمي تصير ريحته حلوه

وعلى ماء ورد اذكر مره قاعده اشي حلاوه وكنت معرقه لانه حر وشميت ريحه حلوه واقول ياربي انا ماني متعطره من وين ويوم طلعت من التروش واشم ريحت جسمي وتذكرت انه من هاالحركه

نجي للقدم طبعا مانسيتهم ولهم عنايه خاصه كمان

لما اتروش يوميا اسويهم بالحجر واغسلهم ولماارجع من اي طلعه ادخل واغسلهم بالصابون وفرشه خاصه فيهم وبعدين اجي وادهنهم بزيت الزيتون والبس شراب خاص لهم اي خاص لما ادهن زيت

وكل اخر اسبوع مع الحمام المغربي اسوي لي كورس

وهو انقعهم بماي دافي واكياس شاي وبعدين اغسلهم وبعدين اجيب الفرشاه الخاصه واحط رجلي بماي وصابون واغسلهم عدل بالفرشه واخلص اروح انقع رجلي من جديد بماي دافي وملح خشن وخل وبعض الاحيان املاح البحر الميت وطبعا الملح معروف والخل ينشط الدوره الدمويه ويسوي استرخاء وبعدها اشطفهم واخلي اخرشي ماي دافي مع ديتول العنايه الشخصيه وبعدها اغلسهم بماء بارد وبس اطلع ارطبهم بزيت زيتون واذا كنت بطلع احط لهم كريم خاص بالرجول اسمه شول

عارفه بتقولون مشواروحوسه بس والله تعالو شوف ارجولي ورجول اختي فرق واحلى شي مافي ريحه شينه

حتى مره رحت لمشغل اسوي بدكير ومنكير الفلبنيه تقول لخويتها رجولها بيبي واناابتسم اقول على بالهم ماافهم انجلش خخخخخخخخخخخ

وهي بعد قالت مدام <<<<قال مدام في عينها توني بنوته

المهم قالت مدام انتي رجل في كويس مافي احتاج تقشير لرجولك قلت طيب زين مايحتاج مايحتاج

المهم يابنات بذكر لكم نقطه مهم وقالت عليهااكثر من فلبنيه لما اقولهم ابي اتعلم كيف اقشر رجولي بالموس قالو انتي رجل كويس سمسم بيبي اذا انتيسوي موس بعدين يصير فيه جلد ميت كثير ويصير قاسي ولازم طول عمرك تستخدمي الموسوالموس مانستخدمه الا للي رجولهم مثل الرجال كتراكم فيها جلد ميت

وعندي حركتين ما استغني عنهم

الحركه الاولى

ياحلوين شوفو انا جاتني فتره احط مع ماي الشرب ماء ورد يعني احط في قارورة الماي غطاء من ماي الورد واشربه وتدرون انا صوت اصلا فيه بحه والله انه يابنات اني في بعد شربي من الماء والماي ورد دقت وحده من صحباتي ورديت عليها لان صوت التلفون قومني وتقولي مين انتي قلت لها فتو منو يعني قالت وش فيه صوتك قلت مافيه شي عادي توني قايمه من النوم قالت هذا صوت وحده قايمه من النوم الي يقومون من النوم صوتهم يكون خشن ضخم يعني يخوف وانتي صوتك هبل فيني وانا بنت وشلون لو رجال تقول والله لو اني رجال ودقيت وكنت غلطان وسمعت صوتك ماراح افكك وضحكت وكثير صارو يعلقون على صوتي ويقولون صوت مره ناعم واشياء كثيره واحيانا يصير عادي المهم وتذكرت

انه لما اشرب ماي + ماي ورد يصير صوتي ناعم لما اصحى من النوم وغير هيك يعطي نضاره للبشره

[صاحبة السمو]

الحركه الثانيه

طبعا كثير منا يتعرض لضغوط وهم وحزن وتوتر باسباب الحياة واحيانا يسبب التوتر لنا عصبيه وفتور احيانا بعلاقة الي حولنا هالطريقهبصراحه لو تسونها روعه قليله وبتحسون انتم بالفرق بنفسكم

وطبعاانااسويها من فتره لفتره واذكر لما كنت بالثانويه العامه والله يابنات انه البنات يقولمعقوله يافتو انتي مثلنا بثالث ثانوي واضحك اقول ايوه ليش يقول نفسيتك حلوه ومانحسك مضغوطه
بقولكم طريقتين

اولطريقه

وهي اني اكون لوحدي بالغرفه واجيب شموع معطره وفواحاتكهربائيه من النوع الي اتحكم بحجم اضائتها واخليها على اقل درجه اضائه او فواحه اليبالشموع واحط روائح هادئه وكنت زمان احط موسيقى هاديه جدا ورومنسيه بس الحين اعتزلت الاغاني فصرت احط اصوات شلال ماي او عصافير او صوت امواج يعني اصوات تعطيك انطباع عن الطبيعه واغمض عيوني واتخيل نفسي بمكان حلو او اتخيل شي حلو ويريح نفسي وبعض الاحيان انام وانا مسترخيه واقوم نفسيتي شي ثاني وكل الهموم والتعب يزول لاني سويت له تفرغي للشحنات الداخليه الي فيني

الطريقه الثانيه وهذي كنت اسويها ايام الدراسه

وهي اني اقوم قبل الفجر وافرش فرشه برى في الحوش واتمدد واقعد اتامل في السماء واناظر الجو واستنشق الهواء بعمق لما ياذن اقوم اصلي وارجع لنفس المكان واسمع صوت الصلاه وبعدها صوت العصافير والله انه جو خيالي لايفوتكم وتشوفون كيف نفسيتكم تتحسن

وبعض الاحيان اسوي رياضه خفيفه

وعلى فكره هالطريقتين حلوه مره لللنفسيه وتعطي انتي نفسك شعور حلو وتفائل وتزيل عنك بعض الافكار السوده والحزن وهذا راح ينعكس على بشرتك واسلوبك وكل شي فيك ولكل راح يلاحظ وهذا من واقع تجربتي الشخصيه
وانا لما كنت ادرس كنت يوميا اسويها مااستغني عنها عشا ن تعرفون ضغط ثالث ثانوي والي يسويه

بس اهم شي استرخي مره تخيل انك في غابه وصوت شلال ونور القمر وفواكه وزهور حواليك
او تخيل نفسك طايره اواي شي تحبيه وراح تشوفون وبتقولو فتو قالتها

على فكره قبل فتره قريبه سمعت انه تقريبا نفس حركتي مع اختلف تمنح الجسم طاقه وتغذي الروح والعقل طبعا ماراح ادخل معاكم بعلم الطاقه وهاالحوسه بس حبيت اعطيك فكره انها تدخل في علم الطاقه هاالحركه يعني كنت اسويها وانا مااعرف انها لها علم غير قريب من شهر تقريبا

[صاحبة السمو]

طبعا الكلام الى فوق هذا كله كلام فتاة المستحيل وحبيت اذكركم بانكم تقولون

ما شاء الله تبارك الله

لان العين حق وهذا على حسب طلب منها

والسلام عليكم ورحمه الله وبركاته

[فتاة الإسلام]

= ) ماشاء الله عليك يا صاحبة السمو
جزاك الله خيراً على جهدك

^_^ يالله مشوار >>> وحده كسوله

بس كمان الواحد بذكر الله يرتاح نفسياً ^_*

بارك الله فيك

[صاحبة السمو]

العفو ياعسل

[البروفسورة]

قرأت كل كلمة ياعسل
من جد معلوماااااااات مفيييييييييييدهـ
ماشاء الله تبارك الله آحس هذي البنت ماعندها وقت
3 آرباع اليوم اعتناء ببشرتها ماشاء الله تبارك الله
والله شئ حلو .. آسحب على كل المنتديات
واقابل بشرتي خخ .. صراحة هالشغل للأي آول مرة يسوية << متعوب على كلمة للأي
يحتاج حماس وتشجيع
وشكلي بوظف صاحبة السمو تحمسني ههههههههخخ :seko:
وبيغالها كمان ميزانية
راح تطردني أمي من المطبخ على كذا :seko:
الله يعين ويسهل
عاد آنا ملكة جمال مايحتاج <<< بدأت تطبق
صح ياصاحبة السمو <<< كنت ادور على فيس غمزة مالقيت إلا ذا
فتاة الإسلام تكفين حطي لنا غمزات خخ ؛ )

يستحق التقيييم + زيادة عدد النقاط
على مجهود نقلك ياعسل
وفي المفضلة .. إن شاء الله

[صاحبة السمو]

اي والله انك صادقه بسم الله عليها <<<<ان شاء الله نتطور ونوصل مرحلتها خخخخ

واذا على التحميس انا وراك والزمن طويل هههههههههههه

عاد احنا في وقت حرج الحين

وبنسوي مظاهره عشان شوشو تحط لنا فيس الغمزه عشان نغمز لبعض :seko:

[روعة المشاعر]

يسلمووووووووووووووووووو

يعطيك العافيه