[همسة خير]

هذي الشوربة سهلة جدا ان شاء الله ...

المكونات
: ماء - ماجي الكمية حسب كمية الماء- معكرونة (اي شكل عادي ، حتى اذا ما تبين اتضيفينها بعد عادي ) - كركم ربع ملعقة - فلفل حسب الرغبة - صلصة طماطم (ملعقة و نص ) - شوفان( اسالي الوالدة و بتخبرج شو هو اذا ما عرفتي ) .

المقادير التالية انتي تتفنين فيها ممكن اتحطين اللي تبينه
اذا تبين شوربة خضرة حطي الخضار اللي اتحبينها _ عن نفسي احب الفلفل الرومي البارد الاخضر لانه يعطي نكهة حلوة - بقدونس كزبرة نعناع -طماطم و بطاطس مكعبات صغيرة - ذرة
اي شي على ذوقج الحلو ~

اذا تبين باللحم او الدجاج بعد يستوي

الطريقة:

1-اولا خذي ملة (صغيرة) حطي فيها شوفان مع الماي و اتركيه لين ما اتخلصين الخطوة 2

2-اغلي الماي حسب كمية الشوربة اللي تبينها
ضيفي مكعبات الماجي مع المعكرونة مع الكركم و الفلفل و صلصة الطماطم و اتركيه يغلي لين ما اتحسين ان المعكرونة استوت او نضجت ...

3 بعدين ضيفي الشوفان المنقوع بالماي بالمخلوط اللي فوق و اخلطي شوي .

4 الحين اترومين اتضيفين الخضرة اللي تبينها او اللحم او الدياي بس حطي في بالج ان اللحم او الدياي لازم يكون مسواي قبل (ناضج)


و تا تاااااااااااااااااااااااااااا استوت الشوربة ~